dimanche 4 novembre 2012

Scène D'amour fin , Café Amer


2ème  extrait de Nana Jamila ou Café Amer .. la scène  se passe à l'Avenue Habib Bourguiba à une heure Tardive .. il faisait très froid , il pleuvait .. le dialogue se passe entre Moez et Salha .. Deux amoureux 
صالحة في الوقت هاذاكا كلّ مرّة تحبّ تتكلّم و هو يسّكتها٬المرّة هذي حطّ يدّو على فمّها ٬ باستها..في لحظة من زمان لقاها مازالت تحبّو ٬رجعلو شاهد العقل٬ دزّها٬ نفرها٬ و عطاها بالظهرْ ..و هي الشّعر مبلول و الكحلْ زادو طاحو من البكاء قالتلو
صالحة: أنا عمري ما نسيتك٬ و عمري ما حبّيت ننساك٬ ما فمّا حدّ يفهمني قدّك تسمعْ فيّا؟مشاتلو٬ دوّرتو ليها، شدّتو من كتفو و قالتلوصالحة: أغزرلي في عينيّامعزّ يدّور في وجهو ، شدّتو من كتفو و قتلوصالحة: أغزرلي في عينيّا ٬ أغزرلي في عنيّا
ما حبّش يسمع الكلام٬ شدّتو من خدّيه، يديها باردة ٬تقشعر بدنو ٬ في لحظة حسّ بيها و هو يترنّح و قاللها
معزّ: نتفكّر كيما اللّيلة ٬ و أحنا على حرف الشّط٬ أنا نشرب و إنتِ تصحّي فيّا بالقهوة٬ أنا نشرب بش ننسى همومي    و إنتِ تصحّي فيّا بالقهوة٬ أنا نشرب  بش ننسى وجيعتي معاك و إنتِ تصحّي فيّا بالقهوة٬ أنا نشرب لين وفات الدّبوزة و إنتِ تصحّي فيّا بالقهوة٬ أنا نشرب بش ننساك و قام يصيح عليها و قال : و قهوتك مُرّة  مُرّة  مُرّة  مُرّة  و رجع يبكي بالشّهقة ، مُرّة كيف مرار حياتي ، نتلّف في الجُّرة و نزيد في السّكر على مياتي، تتفكّهرها هاذي؟و شدّلها يديها هبطهم من على وجهو، نفخ عليهم  بش يسّخنهملها و قاللها
معزّ: يديك باردة٬ برّا روّح دفّي روحك ، منحبّكش تمرض، أنا ما عاد نجّم نزيدصالحة: هيّا روّح معايا، أنا راني عييت بلا بيك٬ الدّار ظلمة و أنا روحي ظلمةشدّتلو يدّو و بدات تكركر فيه٬ طاوعها شويّا٬ رخّت ساقو و قاللها
معزّ:ما نجّمش٬ الوجيعة أقوى منّي، منّجمش حطّ يديه على وذنيه و بدا يجري و يقول منّجمش منّجمش، غاب عليها فيالآفنو ، قوات الشّتاء ، لفّت على روحها و روّحت عزّيها تقبل العزّاء

To be continued .. Texte écrit en Juillet 2012 de mon long métrage Café Amer 

Aucun commentaire:

Enregistrer un commentaire