حبّ في تونس

حبّك في قلبي نوّار

زادت غلاّتو الأسعار 

حبّك في بالي جاش

جات حبستّو الأنفاس

حبّك ساكن فيّا

غلات عليه عيشة عادية

حبّك كواني و ما شفاني

وجعني و نساني

حبّك نقشة

فنّ و سفرة

حبّك ظُهر مشروع

ما عندي شيء و جيبي مسلوب

حبّك أيّام غافلة

سنين دافية

ما قدر عليها الويل

حبّك جغّالي

كذبو عليك 

و ما بقا كان بطّال في أيّامي

حبّك كلام مرزي 

بصل نفسي

و ما عاش كان بمقرونة الحفصي

حبّك وكّلني الكفوف

صادني الكلوف 

و قوّدو بيّا للعروف

حبّك ديما يساري

ما نكسب كان كلامي

و عمري ما نخّبي الحروف

حبّك قهيوة عربي

أخطاني

المصروف ما يكفّي

حبّك كيف الشّوكة في حلقي

عالقلوب قاعد متخبّي

حبّك نصبة غلّة

مالبعيد تلقاها تحفة

و الأسوام صفّة صفّة

حبّك في قلبي برد 

متكونسي في الصّرد

و تحت كوم حطب

حبّك فقر صافي

زهر بالي

شمعة و ضوء طافي

حبّك في بلاد المنسيّين

عايشين محقورين

حبّك لازم يبقى

حتّى في أيّام نسمة البرّاني مرحى